"eins og kunnugt er"

Bíddu við. Var þetta í alvöru á allra vitorði? Og ég missti algerlega af þessu 

Á hráfæði í útilegunni

Það gefur auga leið

að þetta gífurlega háa verð á bensíni hefur áhrif langt umfram hinn almenna bifreiðaeiganda. Almenningur hættir að ferðast um landið, sunnudagsbíltúrar leggjast af og heimsóknum til ættingja sem búa utan næsta nágrennis fækkar. Fyrir vikið dregur úr verslun og afleiddum störfum á strjálbýlli stöðum og tekjur sveitarfélaga á landsbyggðinni skerðast.

Það hlýtur að vera einhver leið til að ná niður bensínverðinu.

 

Þolmörkum náð fyrir löngu

Hallærislegur vöxtur.

Íslenskur almúgi þarf sífellt breiðara bak og verður lotnari og sligaðri. Við endum eins og Neanderthalsmaður með úlfaldabak af að bera allar byrðar "ríku" mannanna.

Kann að lenda á skattgreiðendum

Æ góði maður.

Vertu nú ekki með þessa helgislepju. Hvað ertu að biðja Guð að hilma yfir með þér og öðrum sem verja og vernda afbrotamenn? Þótt komin séu 15 ár síðan þetta mál kom upp, var þá þegar ólöglegt að brjóta á fólki kynferðislega. Þannig hlýtur að hafa verið réttmætt, þá sem nú, að skoða allar ásakanir á hendur fólki, hvort sem um er að ræða skattsvik eða skelfilegri afbrot eins og kynferðisbrot. Ég vildi ekki trúa því þegar þessar ásakanir komu fram að presturinn sem fermdi mig, gifti mig, skírði börnin mín, jarðaði ömmu mína og var minn sálusorgari á erfiðum tímum hefði framið slíkt afbrot. En engu að síður þótti mér rétt þá að leiða málið til lykta hvernig svo sem dómurinn félli. Það er vanvirðing við þolendur óréttis að þurfa að bíða í mörg, mörg ár eftir að réttlætinu sé fullnægt. Og það hlýtur einnig að vera erfitt fyrir ættingja herra Ólafs að málið hafi dregist svona á langinn. Þeir sem að því stuðluðu skulda fólkinu sem hlut á að máli afsökunarbeiðni og mér finnst sjálfsagt að núverandi biskup segi af sér fyrir þau afbrot sem hann hilmdi yfir og þá linkind sem hann sýnir nú, sem oft áður.

Það  er nú reyndar  skoðun mín að þjóðkirkjuna beri að leggja niður og hér á landi fái að ríkja raunverulegt trúfrelsi. Kristnir fái að halda sínar hátíðir sem og önnur trúfélög og öll séu þau virt að jöfnu.

„Guðs og góðra manna hjálp“

Gott hjá henni.

Nóg er nú sem kóngafólkið spreðar þótt ekki þurfi að mæta í nýrri kápu við hvert tækifæri. Mín sparikápa er 4 ára og þar áður átti ég sparikápu sem var eldgömul en ég óx því miður út úr henni

Katrín mætti í gamalli kápu í afmælið

Á meðan hundarnir voru að drepa féð...

... var dýraeftirlitsmaðurinn að dunda sér við að veiða merkta heimilisketti inni í íbúðarhverfunum á Selfossi.

Á Selfossi eru margir kettir. Kettir eru vinalegar skepnur sem láta fólk yfirleitt óáreitt. Kettir eru hreinlegir og sjaldgæft að maður rekist á kattaskit á göngustígum - öfugt við það sem segja má um hundaskítinn. Af einhverjum ástæðum er það þó svo að yfirvöld í Árborg vinna að því öllum árum að útrýma köttum úr sveitarfélaginu. Reglulega egnir dýraeftirlitsmaðurinn gildrur fyrir kettina inni í íbúðarhverfum Selfossbæjar. Yfirleitt er gildrunum komið fyrir í görðum við hús og í hana veiðast heimiliskettir nágrannanna. Hvort sem  kettir eru merktir eða ekki eru þeir geymdir í búri í óupphitaðri skemmu hjá áhaldahúsinu þar til eigendur vitja þeirra.  Dýraeftirlitsmanni dettur ekki í hug að líta á merkispjald kattarins eða skoða örmerki og hafa samband við eigendur að fyrra bragði. Hann tekur þó mynd af blessaðri skepnunni og setur á vef sveitarfélagsins en oft hafa þá liðið 2-3 dagar frá því kötturinn var veiddur. Dýrunum er ekkert sinnt þessa daga sem líða frá því þeir veiðast og þar til þeir annað hvort komast heim eða er lógað.

 

Þessi skelfingu lostni köttur veiddist 6. júní á Selfossi.

Sé kattarins ekki vitjað innan viku er honum lógað. Til að leysa út köttinn þarf eigandi hans að borga 12 þúsund krónur í handsömunargjald ásamt áföllnum kostnaði sem ekki er til nein gjaldskrá fyrir - ? hvernig sá kostnaður er metinn.

Já það eru greinilega allar klær úti - dýraeftirlitsmaðurinn gjarnan að veiða ketti undir helgarnar þannig að sem mest fáist fyrir að leysa þá út. Og allt eru þetta saklausir heimiliskettir borgaranna á Selfossi.

Reyndar er það nú svo að lausaganga katta er óheimil í sveitarfélaginu Árborg. Fyrir vikið má eiginlega segja að kattahald sé bannað þar því eigi fólk kött þá gengur hann laus. Kettir eru nú bara þannig. Og frekar vil ég mæta 10 lausum köttum á göngu minni um bæinn en einum hundi - þótt hann væri í bandi. Kettir víkja úr vegi fyrir fólki nema það gefi sig að þeim - hundar snuðra af fólki og flaðra upp um það og oft því meira sem það reynir  að forðast þá. Þess vegna er ekki hægt að setja sömu reglur um ketti og um hunda - þessi dýr eru að eðlisfari allt of ólík til þess.

Nánar um kattahald í Árborg  og hér.

Hundar drápu fé á Eyrarbakka

Girða?

Eitt sinn þegar ég var að ræða slys sem varð í rússíbana í tívolíinu á Bakken í Danmörku sagði elskulegur bróðir minn (sem hefur soldið gaman af að stríða systur sinni):"það verður nú að reikna með einhverjum afföllum ef eitthvað á að vera varið í þetta"   Ég fyrrtist við orð hans á þeim tíma. En þegar betur er að gáð er talsvert til í þessum orðum hans ef þau eru heimfærð upp á náttúruskoðun. Það verður aldrei hægt að girða svo vandlega að fólki stafi engin hætta af því að fara óvarlega úti í náttúrunni. Ef þið viljið skoða náttúruna skuluð þið ganga um hana af virðingu og allt sem þið farið og gerið verður að vera á ykkar eigin ábyrgð. Ef þið viljið ekki falla fyrir björg er besta ráðið að halda sig fjarri bjargbrúnum

Banvæn myndataka

Háloftaklúbburinn.

Þeir segjast vera í háloftaklúbbnum  þeir sem stunda kynmök í flugvél. Nú  er hægt að stofna háloftaklúbb þeirra sem fæðst hafa í flugvél

 

Fæddist í flugvél

Ljótt og ógeðslegt.

Hryllilegar aðfarirnar sem sáust í fréttatíma RÚV í gær. Þótt þetta teljist fréttnæmt var ég þó afar ósátt við að fréttin skyldi sýnd á þessum tíma. Ég náði ekki að slökkva áður en 7 ára dóttir mín náði að sjá aðeins af fréttinni. Barnið var hreinlega í losti og ætlaði aldrei að geta sofnað. Ég fer þess á leit við fjölmiðla að þeir sýni ekki svona viðbjóð á þeim tíma sem börn eru líkleg til að vera vakandi.

Lofa að rannsaka ásakanir um illa meðferð á dýrum

Stígvél eru málið!

Þeir hefðu betur haldið áfram að framleiða stígvél  

Að öllu gamni slepptu er það reyndar svo að enginn stígvélaframleiðandi hefur tærnar þar sem Nokia hafði hælana. Ég á ennþá Nokia stígvél sem keypt voru 1994 og hafa verið notuð mjög mikið en eru ennþá stráheil. Annað en stígvélin sem ég keypti á dæturnar í haust sem leið og voru orðin ónýt um jólaleitið.

Gengi bréfa Nokia hrynur