Ojjj

E- coli bakterían kallast öðru nafni Saurgerill og kemur úr iðrum manna og dýra með hægðum. Þessar sýkingar benda því til þess að notað hafi verið saurmengað vatn við ræktun og vinnslu á agúrkunum. Svona fréttir styrkja mig enn frekar til að kaupa bara íslenskt grænmeti. Verst að ekki er hægt að tryggja að ávextirnir sem við kaupum fái ekki sömu meðferð og þessar gúrkur. Það var kannski ekki svo vitlaust hjá dönsku stelpunni sem heyrði af sem þvoði eplið sitt með heitu vatni og sápu

 

10 látnir af völdum E.coli sýkingar

Frábær hugmynd og úrvinnsla.

Ég hvet þessa ungu konu eindregið til að gefa bókina út (áður en Hagkaup fær sömu hugmynd). Held að ég get sagt það með vissu að hún myndi seljast afskaplega vel. Væri líka sniðugt að þýða hana á önnur tungumál því þetta er allt saman séríslenskur matur sem útlendingum þykir örugglega gaman að prófa. Því er einnig við að bæta að nú er sérstök vakning meðal matreiðslumanna á norðurlöndunum að upphefja á nýjan leik gömlu norrænu matargerðarlistina. Þessi bók er svo sannarlega fínt innlegg í þá vakningu.

Maturinn sem unga fólkið kann ekki að elda

Langur tími eftir enn.

Þótt ekki hafi orðið mikill fjárfellir í sjálfu gosinu er viðbúið að eitthvað af skepnum eigi eftir að falla vegna þess. Þar sem 5-7 cm lag af ösku er yfir túnum og heiðum er enn talsvert í að gras nái að vaxa i gegn um öskulagið. Á meðan þurfa kindurnar að borða hey og það er ekki jafn kjarngott og nýgræðingurinn. Fyrir vikið gæti orðið mjólkurskortur hjá lambánum og þar sem lömbin geta ekki náð í nýgresi til að bæta sér það upp er viðbúið að eitthvað af þeim farist úr hungri.

En það þýðir ekki annað en að vona það besta - það hefur sýnt sig að náttúran er óútreiknanleg og oft fer allt á besta veg.

Nokkurt tjón á túnum

Notum Hörpu.

Legg til að úr því búið er að byggja þessa peningahít þá fáum við aftur symfó og Eyvöru saman með gamlar íslenskar ballöður.

Ekki þjóðin.

Mætti halda að Steingrímur væri kominn með sama syndrome og Ingibjörg Sólrún fékk undir lok stjórnarsetu sinnar. Sagði hún þá m.a. að fólkið í landinu væri ekki þjóðin.  Það er eiginlega nákvæmlega það sem Steingrímur er núna að segja. Ég og þú og Jón og Gunna erum ekki þjóðin eða venjulega fólkið í landinu. Hverjir ætli falli undir þann flokk? Mér þætti gaman að fá það á hreint!

 

„Ekki hjá venjulegu fólki“

Og ég sem ætlaði að fara að kvarta.

Orðin heldur leið á þessum kulda og blæstri sem beljar á okkur hér sunnanlands. En ég bara snarheld kj.... þegar ég les þetta. Má vel við una - hér snjóar þó ekki.

En hvernig er þetta annars. Á ekkert að fara að koma sumar??

Sumarbarn

Hvítt vor á Norðurlandi

gamalt uppáhalds

Hugsanir sveitó mömmunnar.

Fannst þessi skrif svo góð að ég ákvað að deila þeim með ykkur.

Jarðarberjagleði

 

Í fyrra hjálpaði tengdasonur minn mér að útbúa fjögur matjurtabeð utan við eldhúsgluggann minn. Ég keypti forræktað salat, grænkál, spergilkál og blómkál og setti niður kartöflur og sáði gulrótum. Það var með ólíkindum hvað þetta óx allt saman og við höfðum ekki undan að borða herlegheitin þegar leið á sumarið. Og úr því ég var komin með svona flott beð þá fannst mér ég auðvitað verða að rækta jarðarber. Mér þótti samt helvíti blóðugt að borga hátt í 600 krónur fyrir eina litla jarðarberjaplöntu en lét mig hafa það og keypti 10 plöntur. Ekki fékk ég mikla uppskeru af þessum tíu plöntum því púðrið fór mest allt í blaðvöxt. Sniglarnir átu helminginn af þessum örfáu berjum  sem náðu að þroskast og fjórðungur myglaði undir þessum stóru blöðum. Ætli við höfum ekki fengið svona eitt ber á mann allt sumarið. En þegar haustaði tóku undur og stórmerki að gerast í jarðarberjabeðinu. Plönturnar tóku að fjölga sér á undraverðum hraða. Þær skutu m.a.s. rótum út fyrir kassann. Í dag var hlýtt og yndislegt veður og ég í fríi svo ég ákvað að undirbúa beðin fyrir sumarið, þar á meðal jarðarberjakassann. Ég tók upp allar plönturnar og endurplantaði þeim ofan í trjákurl. Og nú voru jarðarberjaplönturnar ekki tíu heldur 26. Sextán nýjar plöntur höfðu skotið rótum frá í fyrravor - 150% fjölgun.

Kannski ég fái þá jafnvel tvö jarðarber þetta sumarið ef ég er heppin

Ofbeldi leiðir af sér ofbeldi.

Finnst að þessum verknaði lítill heiður fyrir Obama og stríðsmenn hans. Áfram mun ríkja hatur milli róttækra muslima og þeirra sem þeim stendur ógn af - þ.e. Vesturlanda - og ófriðarbálið á eftir að blossa upp mun sterkar nú þegar Bandaríkin hafa ráðist á og drepið þeirra ástsæla foringja. Þetta var arfaslappur leikur, Obama minn góður og þótt þú treystir kannski tímabundið stöðu þína í forsetastólnum þá varstu rétt í þessu að stugga við geitungabúi og afleiðingarnar geta ekkert orðið nema slæmar.

Osama bin Laden allur