Færsluflokkur: Dægurmál

Hætt

Nenni ekki að vera með í þjóðmálaumræðunni lengur Woundering

En ef ykkur langar að vera memm þá er ég með blogg á  

http://gerimittbesta.wordpress.com   sem mér þætti gaman að þið mynduð heimsækja Joyful
 
Þar set ég bara (eða næstum bara) inn krúttfærslur og svoleiðis. Er nefnilega að reyna að vera jákvæðari Whistling  LoL
 
Njótið lífsins InLove 

Heimsku Íslendingar

Íslendingum er ekki treystandi til að kjósa um fleiri en eitt mál í einu - að mati Þórs. Við erum svo miklir asnar að við gætum kosið vitlaust ef við þurfum að hugsa um fleira en eitt í einu. Þess vegna er best að halda aftur kosningar um það mál. Þá er líka von til að Íslendingar verði orðnir leiðir á kosningum og mæti því illa á kjörstað. Þannig gæti líka kosningin farið á þann veg sem stjórnin vill. Það er í anda ESB - kjósa aftur og aftur þangað til "rétt" niðurstaða fæst.

 


mbl.is „Á ekki heima í sömu kosningu“
Tilkynna um óviðeigandi tengingu við frétt

Hið íslenska menningaruppeldi?

Hvað gengur uppeldismenntuðu fólki til að stefna börnunum á svo lágkúrulegan múgsefjunarviðburð? 

Ég hef miklar áhyggjur af uppvaxandi kynslóðum Íslendinga sem neyðast til að sitja undir svona lágkúru frá unga aldri. Í leikskólum landsins (nema Hjallastefnu-) eru börnin látin hlusta á allskyns dægurtónlist og þykir víða voða krúttlegt að láta þau syngja með - því kjánalegri texti, því krúttlegra. Og helst eiga litlu stelpurnar að dilla bossanum með og strákarnir að gera bardagatakta.  Svo heldur þetta greinilega áfram upp skólagönguna í sumum skólum eins og þarna kemur fram.

Hvað eiga foreldrar að gera þegar kennurum dettur svona bjánagangur í hug? Það er erfitt að vera leiðinlega foreldrið sem segir "nei ég vil ekki að barnið mitt taki þátt í svona lágkúru" og barnið sem situr eftir af því að foreldrarnir vilja ekki að barnið taki þátt í lágkúrunni missir af því að vera með félögum sínum í sameiginlegri upplifun og hætt við að það lendi útundan og jafnvel í einelti af því það er svo "púkalegt".

Að mínu mati á skólastarf ekki að snúast um að elta tískudellur og dægurflugur. Hlutverk skóla er að leggja grunn að heilsteyptum einstaklingum sem bera virðingu fyrir sjálfum sér, öðru fólki og umhverfi sínu, eru færir um að mynda sér eigin skoðanir og tjá þær á gagnmerkan hátt og þurfa ekki að elta tísku og múgæsing til að líða vel í eigin skinni.

Ef svona uppákomur þykja orðið sjálfsagðar í íslensku skólastarfi held ég að endurskoða þurfi menntun grunnskólakennara og þær kröfur sem gerðar eru til þeirra.


mbl.is Mikil stemning á tónleikum
Tilkynna um óviðeigandi tengingu við frétt

40 ár?!!!

Bull er þetta. Eftir 40 ár verður kallinn dauður og vonandi allt annar fjármálamórall tekinn við á Íslandi. Líst ekki á að svo stórt landsvæði verði lokað fyrir börnunum okkar undir eitthvað leynipukur.

Hafið þið annars eitthvað velt fyrir ykkur af hverju karlinn sækir þetta svona fast? Treysti ekki svona mönnum!


mbl.is Huang Nubo fær Grímsstaði í 40 ár
Tilkynna um óviðeigandi tengingu við frétt

Hárrétt ákvörðun.

Takk fyrir Ögmundur. Þú stendur við þitt.


mbl.is Beiðni Huangs synjað
Tilkynna um óviðeigandi tengingu við frétt

Snjór

Það snjóar - og snjóar. Fallegt og jólalegt og akkúrat tímabært því næsta sunnudag er fyrsti sunnudagur í aðventu Joyful Heart

 


Og Hallelúja !!!!!

Bjarni minnir mig á ástríðufullu ungliðana í Sjálfstæðisflokknum þegar ég var í menntó. Kraftmiklar ræður um gildi einkaframtaks og mammonsmála en mest þó skítkast yfir vinstri stefnunni sem kunni ekkert, skildi ekkert og gat ekkert. 

Þetta virðist ekkert hafa breyst.

 


mbl.is Verðum að skapa ný verðmæti
Tilkynna um óviðeigandi tengingu við frétt

Tvöfalt afmæli.

Heima hjá mér er búið að hlakka til þessa dags í margar vikur og telja niður síðustu daga. Litlu minni tilhlökkun en fyrir jólin. Og nú er stóri dagurinn runninn upp - tvillurnar eiga afmæli Wizard 

Sjö ár eru stór aldur - a.m.k. fyrir þær - og gleðin yfir afmælinu er svo einlæg, jafnvel þótt afmælisboðið sé ekki fyrr en um helgina. Þær fengu kókó og muffins í morgun og opnuðu svo pakkana frá okkur foreldrunum áður en þær fóru í skólann. Svo fengum við okkur stærðarinnar súkkulaðiköku þegar við komum heim úr vinnunni og skólanum  Joyful Og mínar eru alsælar InLove

kaka m 9 


Til skamms tíma taldi ég

að Ísland væri velferðarríki og skattarnir sem við borguðum notaðir í eitt besta almannatryggingakerfi heimsins. Fólk gæti lagst á sjúkrahús og fengið meðferð við sínum veikindum án þess að borga krónu. En það var víst fyrir löngu síðan og Íslendingar borga nú sífellt meiri skatta en fá um leið minni þjónustu. Það er ekki nóg að það sé kvíðvænlegt að verða veikur vegna sjúkdóma og þess atvinnu- og launataps sem fylgir þeim, heldur þurfa sjúklingar nú líka að kvíða því að eiga ekki til hnífs og skeiðar þegar búið er að borga fyrir lækna- og sjúkrahúsheimsóknir og lyf. Og á meðan maka sérfræðilæknarnir krókinn þannig að í heilbrigðiskerfinu stendur vart steinn yfir steini.

Svei því bara.


mbl.is Kostnaðarsamar krabbameinsmeðferðir
Tilkynna um óviðeigandi tengingu við frétt

Okkar frábæra björgunarfólk.

Við Íslendingar megum svo sannarlega vera stoltir af okkar björgunarsveitafólki. Frábær fagmennska og vaskleg framganga einkennir alla þeirra vinnu. Nú er stutt í flugeldasöluna sem er aðalfjáröflunarleið björgunarsveitanna og það væri svo sannarlega óskandi að allir Íslendingar beindu flugeldakaupum sínum til þeirra.

 

Margfalt húrra fyrir björgunarsveitum Íslands!


mbl.is Maðurinn fundinn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband