Biskup víki.

Þau eru orðin nokkuð mörg málin sem Karl biskup hefur ekki náð að leiða farsællega til lykta. Prestar eru breiskar manneskjur rétt eins og aðrir og til að hafa á þeim stjórn dugar engin helgislepja. Það þarf nefnilega sterkan vilja, útsjónarsemi og diplómatíska hæfileika til að stjórna stórum fyrirtækjum og kirkjan er ekkert annað. Karl biskup verður að fara að horfast í augu við það að hann hefur einfaldlega ekki þá stjórnendahæfileika sem þarf til starfsins. Biskupseiginleikar ganga nefnilega ekki í erfðir og tímarnir hafa breyst frá því Herra Sigurbjörn, faðir Karls, gegndi farsællega biskupsembættinu til fjölda ára. Það væri því heiðarlegast og virðingarverðast fyrir Karl að víkja úr embættinu þannig að aðrir geti spreitt sig á að byggja aftur upp traust manna á kirkjunni. Það verður ekki gert á meðan Karl Sigurbjörnsson er í embætti biskups.

Biskup eigi að víkja

Athugasemdir

[Ásthildur Cesil Þórðardóttir, 10.10.2011 kl. 21:43]

Sammála þér, en verð reyndar að taka fram að það er alls óvíst um að faðir hans hefði gert betur.  Þessi mál komu einfaldlega ekki upp á yfirborðið í hans tíð.  En Karl þarf að víkja honum er ekki sætt eftir allt sem á hefur dunið og hvernig hann hefur tekið á málum.