Nú er kominn Nóvember,

... orðið nær aldimmt á morgnana þegar við förum í vinnu og skóla og himininn bleikur þegar farið er heim. Genginn er í garð tími ullarvettlinganna og kuldaskónna, að ekki sé nú talað um húfurnar og úlpurnar. Svo má reikna með að hvað úr hverju fari að snjóa. Inni er hækkað á ofnunum og kveikt á kertum. Og tónlistarsmekkurinn breytist úr poppi/rokki í mildan jazz og fortiestónlist. Og svo tekur jólatónlistin við og í gluggana læðist ein og ein sería. Farið er að huga að jólagjöfum og smákökubakstri og allt í einu eru liðnar 4 vikur og aðventan kemur með sínum fögru fyrirheitum, fjölskyldusamveru, búðarrápi, yljandi minningum og einstakri birtu sem lætur mann gleyma öllu því slæma og kveikir í manni trú á að mannkynið sé í eðli sínu gott og friður komist á - einhvern tíman.

Í hjarta mínu lifir lítil stelpa sem ennþá heldur að lífið sé fallegt ævintýri og að allar óskir muni rætast. Og um þetta leiti árs fær hún tækifæri til að gægjast út í fullorðinsheiminn og snerta hann með sakleysi sínu.

 

Athugasemdir

[Ásthildur Cesil Þórðardóttir, 1.11.2011 kl. 22:13]

Yndisleg færsla Dagný mín. 

[Jónína Dúadóttir, 1.11.2011 kl. 22:37]

Þetta er svo gott og fallegt... litla stelpan sem lifir í mínu hjarta hugsar eins og þín....

[Dagný, 2.11.2011 kl. 16:17]

Takk elskurnar. Fékk smá nostalgíukast ;o)