Borgin og biblían.

Af vef Rúv tók ég þessa frétt og langaði að segja mína skoðun um málið

 

Fyrst birt: 11.10.2011 08:33 GMT Síðast uppfært: 11.10.2011 08:33 GMT

Borgin sýnir vanvirðingu

Borgaryfirvöld koma fram við Gídeonfélagið af mikilli vanvirðingu, segir Sigurbjörn Þorkelsson, rithöfundur og fyrrverandi forseti og framkvæmdastjóri Gídeonfélagsins, í grein í Morgunblaðinu í dag. Hann segist algerlega miður sín vegna þeirrar ákvörðunar að afþakka að Nýja testamentið sé gefið grunnskólabörnum. Gídeonfélagið hafi gefið börnum ritið í sextíu ár í góðu samtarfi við skólayfirvöld. Nýja testamentið sé tilgreint sem kennslugagn í aðalnámsskrá en nú hafi borgarstjórn ákveðið að flokka það út. Sigurbjörn segir að í Gídeonfélaginu sé fyrst og fremst áhugafólk um útbreiðslu Biblíunnar en með heimsóknum sínum í skólana hafi félagsmenn ekki stundað trúboð. Borgaryfirvöld hafi ekki sett sig í samband við félagið vegna málsins. [e-mail]

 

 Ég er sammála Sigurbirni að borgin hafi sýnt ákveðið taktleysi í þessu máli. Eðlilegt hefði verið að tilkynna Gideon félaginu að ekki yrði framar tekið við Nýja-Testamentinu í skólum borgarinnar. Hins vegar er ég ekki sammála honum um að afhending þess flokkist ekki undir trúboð. Hvað yrði það kallað ef félag Muslima á Íslandi færi fram á að dreifa Kóraninum til grunnskólabarna? Held það yrði uppi fótur og fit. Ég kalla mig Kristna manneskju. En ég er ekki í þjóðkirkjunni og hef ekki áhuga á að trúboð af neinu tagi fari fram í grunnskólum landsins. Fólk á að hafa rétt á að velja sér hvort og hverju það trúir og taka þá ákvörðun sem fullorðnir einstaklingar en ekki í barnæsku.

Athugasemdir

[DoctorE (IP-tala skráð) 11.10.2011 kl. 11:22]

Eina vanvirðingin er að þetta fólk sé að dreyfa trúaráróðri til barna.

Var Ögmundur ekki tekin á teppið hjá sameinuðu þjóðunum vegna óeðlilega mikils aðgengi presta að börnum.

Við foreldrar og börn eigum 100% rétt á því að vera í friði fyrir áróðri í skólum þessa lands; Og kristnir verða að átta sig á því að öll réttindi sem þeir hugsanlega fá til að ná til barna, þau réttindi fara sjálfkrafa til annarra trúarhópa, þar með talið íslam.

Trúaðir verða að skilja þetta og setja sín börn í trúarstúss utan skólatíma

[Ásthildur Cesil Þórðardóttir, 11.10.2011 kl. 13:32]

Sammála þér Dagný.

[Jónína Dúadóttir, 17.10.2011 kl. 00:17]

Sammála... eitt skal yfir alla ganga. Trúarbragðafræði finnst mér ætti að kenna í skólum.