Og hefst þá....

jólaundirbúningurinn.

Haldið var upp á tvöfalt 6 ára afmæli hér í gær, tvöfalt í allri merkingu, hér voru tvö afmælisbörn og tvær veislur - ein vinkonu og ein ættingja   Það passar mjög vel að hefja aðventuna þegar þessi veisluhöld eru frá - bara vika í fyrsta sunnudag í aðventu

Ég hef alla tíð verið mikið jólabarn og árum saman hóaði ég stórfjölskyldunni saman á fyrsta sunnudag í aðventu í smákökur og kaffi. Það voru óhemju notalegar stundir og hjá okkur gekk eiginlega hátíðin í garð með þessu boði. Húsið var alltaf skreytt og bakaðar nokkrar kökusortir helgina fyrir aðventubyrjun og þá fékk maður líka að þjófstarta jólalagaspilinu  En svo fæddust litlu snúllurnar mínar um miðjan nóvember og eftir það hefur ekki verið haldið aðventuboð þar sem afmælið þeirra ber eiginlega í aðventuhelgina. Svo það er bara öllum hóað saman í afmælisboð í staðinn og síðan hafist handa við jólaskreytingar og smákökubakstur. Ósköp notalegt þótt það sé vissulega öðruvísi. En siðir breytast líkt og fólkið og eitt kemur í annars stað.

Óska ykkur góðrar vinnuviku - ég ætla að njóta hennar

Athugasemdir

[Jakobína Ingunn Ólafsdóttir, 21.11.2010 kl. 20:36]

Dóttir mín á afmæli á sunnudag, 28 nóvember. Mér finnst þessi tími alltaf góður þegar jólastemmningin fer leggjast yfir. Eigðu góða viku. :)

[Ásthildur Cesil Þórðardóttir, 22.11.2010 kl. 11:13]

Notaleg lesning Dagný mín. 

[Jónína Dúadóttir, 22.11.2010 kl. 14:56]

Til hamingju með snúllurnar þínar  Frumburðurinn minn verður 34 ára 28. nóvember 1. sunnudag í aðventu

[Dagný, 22.11.2010 kl. 15:19]

Já það er bara notalegt að eiga afmæli svona rétt fyrir jólin. Þakka góðar kveðjur

[Jóna Kolbrún Garðarsdóttir, 23.11.2010 kl. 02:31]