Til skamms tíma taldi ég

að Ísland væri velferðarríki og skattarnir sem við borguðum notaðir í eitt besta almannatryggingakerfi heimsins. Fólk gæti lagst á sjúkrahús og fengið meðferð við sínum veikindum án þess að borga krónu. En það var víst fyrir löngu síðan og Íslendingar borga nú sífellt meiri skatta en fá um leið minni þjónustu. Það er ekki nóg að það sé kvíðvænlegt að verða veikur vegna sjúkdóma og þess atvinnu- og launataps sem fylgir þeim, heldur þurfa sjúklingar nú líka að kvíða því að eiga ekki til hnífs og skeiðar þegar búið er að borga fyrir lækna- og sjúkrahúsheimsóknir og lyf. Og á meðan maka sérfræðilæknarnir krókinn þannig að í heilbrigðiskerfinu stendur vart steinn yfir steini.

Svei því bara.

Kostnaðarsamar krabbameinsmeðferðir

Athugasemdir

[Ásthildur Cesil Þórðardóttir, 14.11.2011 kl. 22:54]

Já og svo þessi norræna velferðarstjórn sem er að taka milljarðs króna lán til að byggja göng, meðan blóðugur niðurskurður gengur yfir á öllum sviðum heilbrigðiskerfisins.  Mig skortir orð til að láta tilfinningar mínar í ljós, og því síður get ég sagt frá því opinberlega sem mig langar til að gera við forsprakka ríkisstjórnarinnar.